बाल विवाह अन्त्यका लागि समुदाय परिचालन सम्बन्धि अन्तरक्रिया कार्यक्रम २०८२ फागुन २९ गते विगु गाउँपालिका–८ स्थित कालिञ्चोक माध्यामिक विद्यालय थामीचाँगुमा सम्पन्न भएको छ ।
गौरीशङ्कर बहुमुखी क्याम्पस चरिकोट र विगु गाउँपालिकाको संयुक्त आयोजनामा कार्यक्रम सम्पन्न भएको हो । गौरीशङ्कर बहुमुखी क्याम्पसका क्याम्पस प्रमुख शान्त बहादुर के.सीको प्रमुख आतिथ्यता सम्पन्न कार्यक्रममा क्याम्पस सञ्चालक समिति सदस्य डा.जानुका न्यौपाने र सहायक प्राध्यापक अधिवक्ता देवराम बुढाथोकीले कार्यक्रमको सहजीकरण गर्नु भएको थियो ।
कार्यक्रममा कालिन्चोक माध्यामिक विद्यालयका प्रधानाध्यापक सुन्दर प्रकाश पाण्डेको अध्यक्षता तथा विद्यार्थी, शिक्षक र स्थानीयको सहभागितामा रहेको थियो । बिगत केहि महिनादेखि गौरीशङ्कर क्याम्पसले ‘समुदायसँग गौरीशङ्कर क्याम्पस’ कार्यक्रम अन्तरगत समुदाय स्तरमा पुगेर समसामयिक तथा सचेतनामूलक गतिविधि सञ्चालन गर्दै आईरहेको छ ।
