गौरीशङ्कर बहुमुखी क्याम्पसले आफ्नो ४५ औं वार्षिक उत्सवको अवसरमा विभिन्न अतिरिक्त क्रियाकलाप सञ्चालन गर्ने भएको छ ।
स्वतन्त्र विद्यार्थी युनियन (स्ववियु) र विद्यार्थी गुणस्तर सर्कलको संयुक्त व्यवस्थापनमा फागुन २९ गतेदेखि चैत्र १३ गतेसम्म खेलकुदसहित विभिन्न अतिरिक्त क्रियाकलापहरु सञ्चालन गर्न लागिएको छ । फागुन २७ गते स्वतन्त्र विद्यार्थी युनियनले जारी गरेको सूचना अनुसार फागुन २९ गते कम्प्युटर टाईपिङ, चैत्र २ गते कविता वाचन, ४ गते व्याडमिन्टन, ५ गते वक्तृत्वकला, ६ गते फुटसल प्रतियोगिता हुने भएको छ ।
त्यसैगरी चैत्र ९ गते गायन तथा नृत्य प्रतियोगिता, १० गते हाजिरीजवाफ प्रतियोगिता तथा ११ गतेदेखि १३ गतेसम्म भलिबल प्रतियोगिता सञ्चालन हुनेछ । कार्यक्रम तालिका अन्तरगत व्याडमिन्टन, फुटसल र भलिबल प्रतियोगिता दिउँसोको समयमा सञ्चालन हुनेछ भने अन्य कार्यक्रम विहानको समयमा सञ्चालन हुनेछन् ।
२०३८ साल चैत्र १५ गते स्थापित गौरीशङ्कर बहुमुखी क्याम्पसले हरेक वर्ष चैत्र १५ गते आफ्नो स्थापना दिवस तथा वार्षिकोत्सव मनाउँदै आईरहेको छ ।
