गौरीशङ्कर बहुमुखी क्याम्पसको आयोजनामा विद्यार्थी, प्राध्यापक तथा कर्मचारीहरुको संयुक्त वनभोज कार्यक्रम २०८२ माघ १६ गते सम्पन्न भएको छ ।
जिरी नगरपालिकाको जिरेश्वरी पिकनिक स्पटमा आयोजना गरिएको वनभोज कार्यक्रममा कक्षा ११ देखि स्नातकोत्तरसम्मका विद्यार्थी, प्राध्यापक र कर्मचारी गरी १ सय ६० जनाभन्दा बढीको सहभागिता रहेको थियो । क्याम्पसको वार्षिक शैक्षिक क्यालेण्डर अनुसार वनभोज कार्यक्रम आयोजना गरिएको क्याम्पस प्रमुख शान्त केसीले जानकारी दिनुभयो ।
दोलखाको पर्यटकीय क्षेत्रको रुपमा परिचित जिरीको बारेमा विद्यार्थीहरुले प्रत्यक्ष अवलोकन मार्फत नयाँ कुरा थाहा पाउन् भन्ने उद्धेश्यले विद्यार्थीहरुको सल्लाह बमोजिम जिरीलाई कार्यक्रमस्थल बनाईएको क्याम्पस प्रमुख केसीको भनाई छ ।
