गौरीशङ्कर बहुमुखी क्याम्पसमा २०८२ पुस २४ गते विद्यार्थीहरुका लागि क्षयरोग सम्बन्धि अभिमुखीकरण कार्यक्रम सम्पन्न भएको छ ।
नेपाल क्षयरोग निवारण संस्था दोलखा शाखाको आयोजना तथा जनस्वास्थ्य कार्यालयको प्राविधिक सहयोग र गौरीशङ्कर क्याम्पसको व्यवस्थापनमा कार्यक्रम सम्पन्न भएको हो । कार्यक्रममा जनस्वास्थ्य कार्यालयका जनस्वास्थ्य अधिकृत रमेश श्रेष्ठ र जनस्वास्थ्य निरीक्षक प्रकाश घिमिरेले क्षयरोग, रोगको जोखिम तथा उपचार र रोकथामको बारेमा जानकारी गराउनुभएको थियो ।
कार्यक्रममा नेपाल क्षयरोग निवारण संस्था दोलखा शाखाका अध्यक्ष हर्क बहादुर श्रेष्ठ, जनस्वास्थ्य कार्यालय दोलखाका प्रमुख डिलेन्द्र बुढा मगर, गौरीशङ्कर क्याम्पसका सहायक क्याम्पस प्रमुख बालकृष्ण फुयाँल लगायत सहायक प्राध्यापक र विद्यार्थीहरुको सहभागिता रहेको थियो ।
