नेपाल राष्ट्र बैंकका सञ्चालक सदस्य तथा पुर्व कार्यकारी निर्देशक डाक्टर शंकर प्रसाद आचार्यले २०८३ जेठ ६ गते गौरीशङ्कर बहुमुखी क्याम्पसमा अध्ययनरत विद्यार्थीहरुलाई देशको अर्थतन्त्रका बारेमा जानकारी दिनुभएको छ ।
देशको वर्तमान आर्थिक अवस्था र सरकारले आयातमा लगाएको कर लगायतको विषयमा डाक्टर आचार्यले विद्यार्थीहरुसँग अन्तरक्रिया समेत गर्नुभएको छ । साथै आचार्यले देशको अर्थतन्त्र बलियो बनाउन सिँचाई नचाहिने र स्वास्थ्यलाई समेत अधिक लाभदायक रहेको कोदो र कागुनो जस्ता अन्नबाली उत्पादन र प्रयोगमा समेत जोड दिनुभयो ।
कार्यक्रममा स्नातक तहमा अध्ययनरत विद्यार्थीसहित क्याम्पस प्रमुख शान्त बहादुर केसी र केहि प्राध्यापकहरुको समेत सहभागिता रहेको थियो ।
