गौरीशङ्कर बहुमुखी क्याम्पसलाई अनुसन्धाकर्ता तथा लेखक डाक्टर विष्णु प्रसाद उप्रेतीले ४ सय ७४ थान पुस्तक उपलब्ध गराउनु भएको छ ।
नीति अनुसन्धान प्रतिष्ठानका पुर्व अध्यक्ष समेत रहनुभएका उप्रेतीले क्याम्पस प्रमुख शान्त बहादुर केसीलाई २०८३ जेठ ५ गते पुस्तक हस्तान्तरण गर्नुभएको हो । उप्रेतीले आफूले अध्ययन गरेका र आफूसँग रहेका पुस्तकहरु गौरीशङ्कर क्याम्पसमा रहेको रुपा स्मृति पुस्तकालयलाई उपलब्ध गराउनुभएको हो ।
क्याम्पसलाई प्राप्त भएका पुस्तकहरु कानून, अनुसन्धान, अर्थतन्त्र, विकास, पर्यटन, मानवशास्त्र लगायत विभिन्न विषयका रहेका छन् ।
