गौरीशङ्कर बहुमुखी क्याम्पसमा कक्षा ११ र १२ मा कानून विषय अध्ययनरत विद्यार्थीहरुले २०८२ चैत्र १९ गते शुक्रबार दोलखा जिल्ला अदालतको भ्रमण गरेका छन् ।
कक्षामा पढेको सैद्धान्तिक ज्ञानलाई व्यवहारमा उतारेको वास्तविकता अवलोकन गराउनका लागि उनीहरुलाई अदालतको भ्रमणमा लगिएको हो । भ्रमणको क्रममा विद्यार्थीहरुले अदालतका स्रेस्तेदार कक्ष, रिट निवेदन शाखा, अनुसन्धान शाखा, तहसिलदार शाखा, मेलमिलाप कक्ष, अभिलेख शाखा लगायतका विभिन्न शाखाहरुको अवलोकन गरेका छन् ।
त्यसैगरी विद्यार्थीहरुले नेपालको संविधान र अन्य कानूनहरु कार्यान्वयनको अवस्थाबारे जिल्ला न्यायाधीश रामप्रसाद न्यौपाने, स्रेस्तेदार अञ्चन भट्टराई र इजलास अधिकृत रमेश कोईरालासँग अन्तरक्रिया गरेका छन् । भ्रमणमा क्याम्पस प्रमुख शान्त बहादुर केसी, कानून विषयमा सहायक प्राध्यापक देबराम बुढाथोकी, आमसञ्चार विषयका सहायक प्राध्याक तथा मेलमिलापकर्ता तारा बहादुर महतसहित कानून विषय अध्ययनरत १६ जना विद्यार्थीहरुको सहभागिता रहेको थियो ।
