गौरीशङ्कर बहुमुखी क्याम्पसको ४५ औं वार्षिकोत्सवको अवसरमा कविता वाचन प्रतियोगिता २०८२ चैत्र २ गते सोमबार क्याम्पसमा सम्पन्न भएको छ ।
प्रतियोगितामा कक्षा १२ की छात्रा स्वस्थानी थामी प्रथम, वि.एड पहिलो वर्षकी छात्रा शर्मिला थामी द्वितीय र वि.वि.एस दोस्रो वर्षका छात्र विमल खड्का तृतीय भएका छन् । ‘अबको नेपाल’ शीर्षकमा आयोजना गरिएको कविता वाचन प्रतियोगितामा विभिन्न तह र कक्षाका १६ जना विद्यार्थीको सहभागिता रहेको थियो ।
सहायक प्राध्यापक निर्मला शिवाकोटीको संयोजकत्वमा भएको प्रतियोगितामा सहायक प्राध्यापकहरु राजन कार्की, गोमा खत्री र विरोध तामाङले निर्णायकको भूमिका निर्वाह गर्नुभएको थियो भने विद्यार्थी गुणस्तर सर्कलका संयोजक विरसम श्रेष्ठले सहजीकरण गरेका थिए । विजयी प्रतियोगीहरुलाई आगामी चैत्र १५ गते क्याम्पसको वार्षिकोत्सव समारोहमा पुरस्कृत गरिनेछ ।
