बागमती प्रदेशका नवनियुक्त वन तथा वातावरण मन्त्री भरत बहादुर केसीलाई श्रावण २६ गते सोमबार गौरीशङ्कर बहुमुखी क्याम्पसमा स्वागत एवम् बधाई तथा शुभकामना प्रदान गरिएको छ ।
कार्यक्रममा क्याम्पस प्रमुख शान्त केसी, सहायक क्याम्पस प्रमुख बालकृष्ण फुयाँल, स्ववियु अध्यक्ष शिरीष बस्नेत तथा क्याम्पसका प्राध्यापक एवम् विद्यार्थीहरुले नवनियुक्त मन्त्री केसीलाई बधाई तथा सफल कार्यकालको शुभकामना प्रदान गरेका छन् ।
कार्यक्रममा क्याम्पस प्रमुख शान्त केसीले यसअघि मन्त्री केसी भीमेश्वर नगरपालिकाको नगर प्रमुख हुँदा क्याम्पसलाई गर्नुभएको सहयोगको स्मरण गर्नुभयो । त्यसैगरी गौरीशङ्कर बहुमुखी क्याम्पसलाई बागमती प्रदेश विश्वविद्यालयको आङ्गिक क्याम्पस बनाउनलाई आवश्यक सहयोग गरिदिन मन्त्री केसीलाई आग्रह गर्नुभयो ।
कार्यक्रमलाई सम्बोधन गर्नुहुँदै मन्त्री केसीले आफूले गौरीशङ्कर बहुमुखी क्याम्पसलाई बागमती प्रदेश विश्वविद्यालयको आङ्गिक क्याम्पस बनाउन पहल गरीरहेको र मन्त्री भएको हुँदा अझै विशेष पहल गर्ने बताउनुभयो । उहाँले विद्यार्थीहरुलाई समयको उच्च सदुपयोग गर्दै मेहनतका साथ अध्ययन गरे मात्र जीवनमा सफलता प्राप्त गर्न सकिने बताउनुभयो ।
